الزيتونة

مدرسة الزيتونة ترحب بكم في منتداها المتميز
 
الرئيسيةالبوابةاليوميةالتسجيلدخول

شاطر | 
 

 قصة حقيقية مضحكة كحكحكحكحك

اذهب الى الأسفل 
كاتب الموضوعرسالة
برستيجية
عضو مثابر
عضو مثابر
avatar

عدد المساهمات : 78
تاريخ التسجيل : 23/04/2009
العمر : 22

مُساهمةموضوع: قصة حقيقية مضحكة كحكحكحكحك   2009-05-20, 15:53

كنت منبطح قدام التفلزيون وحاط تحت راسي مخده وحاط رجل فوق رجل أتابع مسلسل تيمون وبومبا وأنا مندمج الا ونسايم صاكة بالصايح : راسبوتين كم مره قلت لك غير ذا البرنامج اللي مليت منه كل شوي وانت شايفه حتى الاعاده تشوفها ..
قلت : تكفين أنتي وبرامج الطبخ اللي تقولين إن عندك مطعم علشان تتابعينها ما يطبخ لنا إلا ملكة والا كرميلا ..
قالت : أوريك .. ثم شالتني من رجولي وبحركه بهلوانية طرت زي باتمان وما وقفني إلا الجدار ..
قمت وأنا ماسك راسي وبديت أفتل شنباتي ( إذا كان فيه شنبات أصلا ) ويوم قدني باهجم الا وبيوك جايه وتقول : ماشاء الله عليكم قالبينها مصارعة ..
قلت : لا والله إن نسايم هي اللي بـ..
قاطعتني بيوك : لا ولك لسان أنا ما جيت أصلا إلا علشانك ..
قلت : يالله عسى خير ..
قالت بخصوص : ملك ..
قلت في نفسي : إي والله من يوم جيتي إني عارف إن ملك بسبست علي ..
قالت : ليش تاخذ مخدتها ؟؟
قلت : أي .. وو. للـ ..
قالت : وش قاعد تقول ؟؟
قلت : طيب عطوني المكنسه ..
قالت : تعرف مكانها ..
وتوجهت للحوش علشان أكنسه .. طبعا وأنا أقول لنفسي .. أوريك يا ملك الساعة اثنين وباقي صاحية وتسوين فيني مقالب ..
وأنا قاعد أكنس الا وثامر البوشي يأشر لي هو وملك ونسايم من على الطاقة ويقولون قرب اشوي نبي نكلمك ..
طبعا أنا قربت ويوم وصلت حذفني ثامر ببالونة موية وتمكنت صح من الوجه .. شوي الا وأعصب وأحذف بالمكنسه بعيد وقلت طيب هذي ما يبيلها سكوت ..
ويوم قدني متوجه للباب الداخلي صاح ثامر : راسبوتين تعال والله مو هذا قصدنا .. نبغاك في موضوع ..
طبعا جيتهم أنا ووجهي فحان ونسيت كل شي لأني ما صدقت إنهم عطوني وجه لأنها أبرك من غسيل الحوش ..
قالت نسايم : والله حنا ناوين نفرك ذا الليل ونسمر برا .. الشباب كلهم ناموا
قلت : تم يالله بسرعه..
وما خذوا خمس دقايق الا والشباب في السيارة وعطيت الطارة لثامر ..
وبسرعة البرق ماخذينا عشر دقايق الا وحنا فوق المطل لأنه قريب من بيت المنتدى ..
وخذينا نسولف ونتهاوش ونفرفش ونصقع بعض .. شوي الا وذاك الطبق الطاير اللي جاي من بعيد .. نسايم صاحت وملك تجمدت وثامر وقف وقفه عسكرية ما أدري ليش وأما أنا ( راسبوتين ) فبغى يغمى علي لكني تشجعت وخلت عين وحده مفتوحه ..
وصل الطبق الطاير ببطء فقال ثامر : انخشوا يا شباب وخلوني أواجه >>>>> مسويلي فيه سوبر مان ..
قلت : أفا وأنا باباي لأقعد معك ..
ويوم شافت ملك ونسايم الوضع فقالوا بنجلس ..
استقر الطبق الطاير وطلع منه واحد له رجلين وثلاث ايادي وعين وحده ماخذه نص وجهه تقول حفرة غولف .. وشوي الا وهو حاذف بكوره بلوريه منوره ..
قلت : افركوا ياشباب قنبله ..
طبعا الشباب ما أدري هي خوف والا شجاعة قعدوا .. تقدم المخلوق الفضائي وقال : خذوا الكوره بس لا أحد يعبث بها وانتقابل هنا الأسبوع الجاي ..
ثم ركب الطبق وراح ..الشباب ما صدقوا .. ونطت نسايم : من اللي بياخذ الكوره .. كل واحد قال أنا .. قلت أنا بصوت عالي : اسمعوا يا شباب أنا برايي تكون مع ثامر لأنه هو اللي واجه الموقف بشجاعه .. قالوا الشباب تم .. وما صدق ثامر .. الا وهو ماخذها ..
ورجعنا بسرعه حتى نتسحر مع الشباب .. والحمد لله ما أحد عرف بالسالفة لأننا قلنا خلوها سر ..
مر يومين عل السالفة .. طبعا ثامر ما صبر قال : خلني أضغط ها الزر اللي ينور يمكن أعرف شي .. وضغطه شوي اللا والنور اللي مكيم طبلونه وصافق وجه ثامر .. حس ثامر بحرارة شديده ففك الكورة من يده وراح للمرايو وكانت المفاجأة راح كل شعر وحهه >>>>> يا حليله ..
قام دق على راسبوتين جوال وقال : الحقني راسبو ضروري تجي الحين لغرفتي ..
طبعا وأنا متجه بسرعه لغرفته قلت: غريبه وش يبي ثامر وشوله يدلعني ؟؟
ووصلت لغرفته ودخلت وسكرت الباب وراي وأشوفه حالس قدامي .. قمت أدور ملامح وجهه ما عرفتها .. قمت قلت له : فكك من القناع اللي حاطه على وجهك يازورو .. فتح عيونه .. فجاني ماغص في ركبتي .. قلت وش ذا .. فقالي السالفة .. فقلت أحد درى غيرنا .. قال لا قلت المهم لا أحد يدري حتى نسايم وملك .. قال وشلون باقي خمسة أيام عل الموعد .. قلت بيوك وأغلب المشرفين عندهم شغلة خارج البيت وبيقعدون اربعةايام وباقي الشباب بتقدر تتخبى منهم .. وبصرفهم .. ثم خذيت الكورة وقلت .. إذا جا ذاك اليوم بروح أنا ونسايم وملك بدون ما أحد يدري وإذا تأخرنا أكثر من يوم رح لبيوك وقلها السالفه ..
ومرت خمسة أيام وجا الموعد ورحت أنا وملك ونسايم وثامر المسكين قعد .. المهم ورحنا مكاننا واحنا جالسين ما لمحنا الطبق الطاير لأنه مطفي النور وفاصل الريوس .. وشوي الا والكورة اللي كانت في جيبي تنور ..
قالت نسايم : جوالك يدق يمكن ثامر والا بيوك ..
طلعتها الا وهي الكورة .. وطلعتها من جيبي .. وشوي الا والطبق الطاير فوق روسنا .. وفتح باب صغير ونزّل نور ساطع سحبني لحالي .. قامت ملك ونطت تتعلق في رجولي وهي تقول : نسايم الحقينا يبغون يختطفون راسبوتين ..
ما أمدى نسايم انها تتعلق بملك فطارت هي وراسبوتين إلى الطبق .. وما إن استقروا داخله إلا والطبق سافر وانطلق للفضاء ..
طبعا نسايم ما صدقت عيونه فصاحت : رااااااااااااااااااااااااسبوتين .. مللللللللللللللللللللللللللللللللللللللللللك ..
وما لقت لها رد .....

يا ترى أين ذهب الكوكب الطائر براسبوتين وملك ؟؟
وماذا ستفعل نسايم وهل ستخبر الشاباب أم لا ؟؟
وماذا سيسوي ثامر مع اختفاء ملامحه وتحول وجه لساحة تفحيط ؟؟
الرجوع الى أعلى الصفحة اذهب الى الأسفل
اروية
عضو مميز
عضو مميز
avatar

عدد المساهمات : 429
تاريخ التسجيل : 20/03/2009
العمر : 21

مُساهمةموضوع: رد: قصة حقيقية مضحكة كحكحكحكحك   2009-05-27, 19:04

مشكووووورة برستجية ع القصة
نترقب يديدج
تحياااتي
الرجوع الى أعلى الصفحة اذهب الى الأسفل
 
قصة حقيقية مضحكة كحكحكحكحك
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الزيتونة :: منكم وإليكم :: استراحة الطالبات-
انتقل الى: